"Понекогаш најубавата приказна, можеби, е токму онаа што не се случила, највозбудливото доживување е она што го одминуваме, а најубавите зборови се тие што ги премолчуваме. Јазикот и гестот на разминувањето се најубави и најсодржајни."

"Понекогаш, само, се фаќам во мисла дали заборавените или изгубени предмети се уште имаат намена или, како нашиот спомен за нив, полека згаснуваат и стануваат безначајни. Веројатно нештата што ќе ти ги снема од рацете постојат само уште на начинот на кој постојат мислите."

"Нему му беа познати многу неразјаснети заплети и расплети од книгите што ги читаше, познати му беа многу грозоморни и немотивирани или бесмислени сличи од приказните меѓу страниците, но уште пострашно беше тоа што и во животот се случуваа исто толку чудни настани во недостиг на смисла или на причина, така што веднаш можеше лесно да се смени текот на нештата."